header.png

 Preens Chiem 1 vertilt.


Op dr 10e November keem ich truuk van t voetballe. Lot woar deh daag weg. Pap deeg u spulke voetballe mit mich en degene deh won zouw u kadootje kriege. Ich won natuurlik…
Ich kreeg ing preensemutsj en een medaille, ich daag in iersjte instantie dat dat een mutsj van die van Mheer woar, en ich vroeg dan oach ;huh de preensemutsj van Mheer??
Noa 2x vroage veel eindelik ut kwartsje en vroag ich of ich preens woart.
Jaaaa zaagte mam en pap en ich woar deur t dulle heen. Ich hub u paar rundjes deur t hoes gerend en langzaam drong ut bie mich deur.
Veer ginge metein deh daag noa Valkenswaard um de mevrouw te zeen die mie pekske ging make en um t sjtof oet te zeuke.
Veer houwe dat doa sjnel gereigeld en de mevrouw zaag dat t good ging komme.
Ich houw aan pap en mam gezaag, dat es ich preens ging were dat ich dat oach hiel vreug wool weite, zoedat ich oach aal zelluf mit koes regele en oetzeuke.
Ut woar inne leuke en sjpannende tied, want neemes wis dat ich preens ging were, ze vroagte ut waal meh ich hub good kinne sjwiege… mieng familie en vrundsjes bleve mer visje en ich zaag niks.
Veer zunt nog in de vakaans truuk gewis veur sjeun oet te zeuke in een echte sjoonsfabriek, woar ech sjiek wie ze dat allemaol make.
Ut woar veur ich ech sjpannend, en toen woar ut eindelik dr 4e januari, weh zouw toch deh groete preens were??
Ing groete verrassing toen preens Jordy oet de ton keem!!!
En heer woar prachtig! Dr moandig drop zunt veer veur mie pekske gegeange en woar ut bienoa kloar… ich voond t noe al sjiek. Dr gonsdig veur de zitting hub veer aal opgehoald en woar ich kloar um preens te were. Soaves stiekum de proclamatie oefene en stiekum mit pap en mam vertille es veer effe alling woare.
Ut woar noe waal langzaam tied um ut te kinne vertille aan ederein um mich heen.
Toen woar ut eindelik dr 11e januari!!
Ich ging nog iersj in de buut es Lepke, dit ging prima.
Doanao hubbe de jonges van t besjtuur mich weggehoald in dr zaal en aangedoon bie de Mariejose, ich woort in een bobsleij noa dr zaal gevare en doa bin ich dus oach in oetgekomme.
Dr zaal sjting op ziene kop en ich waor super gelukkig!!!!
Wat ing reacties en wat u fees!
Alaaf en dat veer nog veul sjoen momente moage hubbe mit alle luuj van Tebannet en Terhoorsj

 

 

 

 

 

 

 

 

 

 

 

 

Joomla templates by a4joomla